搞事四人帮黎宅密会拆蟹

【熊猫时报讯】一传媒黎智英（汉奸黎）上周三去台湾，之后就喺一传媒旗下刊物《一週刊》同《苹果日报》撰文，自爆曾经同两名美国鹰派前外交官及美军高层会面，兼大讚美国总统特朗普。事隔几日，汉奸黎已经返左香港，寻日仲订埋啲蟹，喺屋企等有「李汉奸」之称嘅民主党创党主席李柱铭、「民主阿婆」前政务司司长陈方安生以及天主教香港教区前主教陈日君上门。「搞事四人帮」又再齐集，莫非佢的一路拆蟹，一路听汉奸黎擦美国鞋？

搞事四人帮寻日又喺汉奸黎何文田寓所搅局。喺李汉奸等人到达黎宅之前，大约三时三十分，就有一架大货车驶至黎宅，原来系运送海鲜嘅送货车。

货车上嘅人拎左三隻花蟹出嚟，交畀疑似系黎宅聘请嘅厨师，仲问啲蟹点样整。厨师就话可能整冻蟹，似乎系为夜晚饭局而设喇。

而李汉奸就喺下午六时许，自己揸车载住太太同埋一对男女去到汉奸黎屋企。佢的入左屋冇几耐，汉奸黎嘅私家车亦都返回大宅，不过私家车上除左汉奸黎嘅司机外，前排座位仲有民主阿婆，而后排座位就有陈日君同神父刘胜义。

七人逗留超过两个半钟

讲开又讲，陈日君都有一排冇去黎宅，上次出现已经系去年十一月感恩节前夕。七人逗留左超过两个半小时，直到晚上九时左右先至离开。话时话，本月二十六日就系特首选举，搞事四人帮喺呢个时候聚首一堂，唔知系咪商量啲乜野搞事大计呢？

「物质女郎」公然声称「有楼有高潮」，而勾结外国势力成癖的汉奸黎，不明示自己做汉奸不会活得过瘾！何以见得？因为汉奸黎不再像以往密会美方人物般总是遮遮掩掩，今趟压不住反中乱港的一股热血，忽然自爆赴美与美国前副国务卿及前常驻联合国代表博尔顿觥筹交错，都唔知几咁开心，之后又介绍小布殊年代嘅四星上将畀佢识，对方大数奥巴马的软弱外交以及狂讚特朗普的够薑行动，汉奸黎直言：「上将，你讲得太好了！」一幅奴才嘴脸。

众所周知，台湾的蔡英文上台后，因不承认「九二共识」而吃尽苦头，若未能改善民生经济，管治甚至会出现危机。但汉奸黎却罔顾事实，不把承认「一国中国」的底线看在眼内，老朽就唔信佢肋过奥巴马，奥巴马临卸任时都不忘叮嘱特朗普不要触犯「一个中国」底线，汉奸黎却以为蔡英文一个恭贺特朗普当选总统嘅电话就可以改变历史。汉奸黎果然反中乱港基因深种，以为美台真有甚麽惊天动地的新策略？靠美国对台湾的「关照」便可制衡北京？咪讲笑喇！

有人说过，抵抗黑暗的最好办法，是让自己光明。汉奸黎亦得其神髓，可惜只能是一隻趴在玻璃窗上的苍蝇，眼巴巴看着前面一片光明，却怎麽也找不到出路。汉奸黎与过气美国高官食餐饭就沾沾自喜，讲真，就算佢获特朗普接见，仍然无法改变一小段历史！

做汉奸做到咁明目张胆，汉奸黎已把「礼义廉耻」全抛诸脑后，气节丧，文章衰，人无耻，则不能有所不为。之不过，做汉奸做到敲锣打鼓，则恕老朽孤陋寡闻，事关做汉奸鲜有好下场。抗战时期伪政权成立时，有无名人士送一贺联：盖世之德昔早有，罕见之才今犹在；当中「盖世」及「罕见」，以普通话唸来，便是「该死汉奸」。汉奸黎当作如是观。